നാ​ടും വീ​ടും ക​ണ്ടി​ട്ട് ര​ണ്ടു വ​ർ​ഷ​ത്തോ​ളം; വിട്ടൊഴിയാതെ കോവിഡ്; നാട്ടിലെത്താനാവാതെ പ്രവാസികൾ

കോ​ട്ട​യം: കോ​വി​ഡ് മ​ഹാ​മാ​രി​മൂ​ലം നാ​ട്ടി​ലെ​ത്താ​നാ​കാ​തെ പ്ര​വാ​സി​ക​ൾ. ഈ​സ്റ്റ​ർ, വി​ഷു ഉ​ൾ​പ്പെ​ടെ ച​ട​ങ്ങു​ക​ളി​ൽ പ​ങ്കെ​ടു​ക്കാ​നും ഉ​റ്റ​വ​രെ നേ​രി​ൽ കാ​ണാ​നു​മാ​കാ​തെ അ​ന്യ​നാ​ടു​ക​ളി​ൽ ക​ഴി​യു​ന്ന​വ​ർ ഏ​റെ​പ്പേ​രാ​ണ്.

മ​ഹാ​രാ​ഷ്ട്ര, ഡ​ൽ​ഹി, ഗു​ജ​റാ​ത്ത് ആ​ന്ധ്ര​പ്ര​ദേ​ശ് എ​ന്നി​വി​ട​ങ്ങി​ൽ കോ​വി​ഡി​ന്‍റെ ര​ണ്ടാം വ​ര​വോ​ടെ മ​ല​യാ​ളി​ക​ൾ നാ​ട്ടി​ലേ​ക്കു​ള്ള അ​വ​ധി വ​ര​വ് ഉ​പേ​ക്ഷി​ക്കു​ക​യാ​ണ്. മു​ൻ വ​ർ​ഷ​ങ്ങ​ളെ​ക്കാ​ൾ ഇ​ക്കൊ​ല്ലം ട്രെ​യി​നു​ക​ളി​ൽ റി​സ​ർ​വേ​ഷ​ൻ തി​ര​ക്കു കു​റ​വു​മാ​ണ്. വി​മാ​ന​യാ​ത്ര​യും സു​ര​ക്ഷി​ത​മ​ല്ലെ​ന്ന ഭീ​തി​യാ​ണ്.

നാ​ട്ടി​ലെ​ത്തി​യാ​ൽ ക്വാ​റന്‍റൈനും രോ​ഗ​വ്യാ​പ​ന ഭീ​തി​യും മൂ​ലം ഏ​റെ​പ്പേ​രും യാ​ത്ര ഒ​ഴി​വാ​ക്കി. ഗ​ൾ​ഫി​ൽ​നി​ന്നു​ള്ള പ്ര​വാ​സി​ക​ളു​ടെ വ​ര​വും ഇ​ല്ലാ​താ​യി. അ​മേ​രി​ക്ക​യി​ലും യൂ​റോ​പ്പി​ലും കി​ഴ​ക്ക​നേ​ഷ്യ​ൻ രാ​ജ്യ​ങ്ങ​ളി​ലും ക​ഴി​യു​ന്ന ഒ​ട്ടേ​റെ കു​ടും​ബ​ങ്ങ​ൾ നാ​ടും വീ​ടും ക​ണ്ടി​ട്ട് ര​ണ്ടു വ​ർ​ഷ​ത്തോ​ള​മാ​യി.

യൂ​റോ​പ്പി​നു പു​റമേ ആ​ഫ്രി​ക്ക​യി​ലും തെ​ക്കേ അ​മേ​രി​ക്ക​യി​ലും കോ​വി​ഡ് വ​ർ​ധി​ച്ച​തോ​ടെ വി​മാ​ന സ​ർ​വീ​സ് കു​റ​ഞ്ഞു. ഇം​ഗ്ള​ണ്ട്, അ​യ​ർ​ല​ൻ​ഡ്, ജ​ർ​മ​നി, സ്വി​റ്റ്സ​ർ​ല​ൻ​ഡ് എ​ന്നി​വി​ട​ങ്ങ​ളി​ലും നി​യ​ന്ത്ര​ണം ക​ർ​ക്ക​ശ​മാ​യ​തോ​ടെ ഇ​ക്കൊ​ല്ല​വും നാ​ട്ടി​ൽ വ​രാ​നു​ള്ള സാ​ധ്യ​ത​യാ​ണ് ഇ​ല്ലാ​താ​കു​ന്ന​ത്.

കൂ​ടു​ത​ൽ തീ​വ്ര​മാ​യ കോ​വി​ഡ് വൈ​റ​സു​ക​ൾ വ​രു​ന്ന സാ​ഹ​ച​ര്യ​ത്തി​ൽ വി​ദേ​ശ​രാ​ജ്യ​ങ്ങ​ൾ പ്ര​വാ​സി​ക​ളു​ടെ പോ​ക്കി​ലും വ​ര​വി​ലും നി​യ​ന്ത്ര​ണം ക​ർ​ക്ക​ശ​മാ​ക്കു​മെ​ന്നാ​ണ് സൂ​ച​ന.